De Lëtzebuerger Filmfong & RTL Lëtzebuerg lancéieren dräi AppellerSich no TV Konzepter a Formater

Fir verstäerkt zesummenzeschaffen an d’Entwécklung vu Serien z’encouragéieren, déi iwwert den nationale Fernseessender gewise ginn, lancéieren de Lëtzebuerger Filmfong an RTL dräi gemeinsam Appeller, déi sech u Produzenten, Realisateuren, Zenaristen an all aner Filmschaffend zu Lëtzebuerg riichten.

Appell fir eng Fiktiouns-Serie

Dëse Format soll mindestens 6 x 25 Minutte laang sinn.All Genre ass akzeptéiert.

Appell fir eng Kanner-Serie

Dëse Format soll tëscht 3 a 26 Minutte laang sinn. D’Projete kënnen aus dem Beräich vun der Fiktioun, der Animatioun oder dem Documentaire kommen.

Appell fir eng Krimi-Serie

Dëse Format soll tëscht 45 a 52 Minutte laang sinn an sech op de Beräich vun der Fiktioun beschränken. D’Thematik vun der Serie ass d’Verbriechen an all senge Facetten. D’Episode sollen allkéiers e Kriminalfall ofschléissen an ofwiesselend vu verschidde Realisateure geschriwwen a realiséiert ginn.

Eligibilitéitscritèren

All d’Projete sollen d’Diversitéit vun der lëtzebuerger Gesellschaft integréieren. An den Dossiere solle folgend Punkten detailléiert sinn :

• Beschreiwung vum Konzept/Format
• Charakterbeschreiwungen vun den Haaptpersonnagen
• 1 Pilot-Episod als treatment (ca 10 Säite fir Stonnenformat, ca 5 Säite fir Formater bis zu 26 Minutten)*
• 1 Pilot-Episod als ausgeschafften Zenario
• Produktiounsopwand
• Virleefege Budget
• Propositioun vun engem Titel.

Delai a Formalitéite fir d’Areechungen

4 Exemplaire vun den Dossiere sollen un dës 2 Adresse geschéckt ginn:

Film Fund Luxembourg
Karin Schockweiler
Mentioun “Appel FFL-RTL”
5, rue Plaetis
L-2338 Luxembourg

RTL Télé Lëtzebuerg
Steve Schmit
Mentioun “Appel FFL-RTL”
43, boulevard Pierre Frieden
L-1543 Luxembourg

Deadline fir d’Aschécke vun den Dossieren: 1 Februar 2022

* Präzisioun vum 18. Oktober 2021