RTL - Andréck vum Weekend: "Wanderlust" war de Motto vun den 29. Walfer Bicherdeeg

Dëse Weekend war déi 29. Editioun vun de Walfer Bicherdeeg, der gréisster Bicherfoire am Land.

Dëse Weekend kann een also nees traditionell déi neiste literaresch Wierker, Liesungen an och e Bichereck fir Kanner entdecken.

D'Walfer Bicherdeeg 2024 (17.11.24)

Les photos diffusées sur ce site sont soumises à des droits d’auteurs et ne peuvent être copiées, modifiées, vendues, sans l’autorisation préalable du propriétaire du site en question.

Nieft dem Haaptsujet d'Literatur kann ee sech awer och déi eng oder aner Expo ukucken. Wéi déi vum Moler Hannes Köcher, deen zu Wien an zu Lëtzebuerg schafft, a seng Wierker ausgestallt huet. A senger Ausstellung "Am Berg" gëtt een a fiktiv Landschaften entfouert, d'Motiver sinn dobäi op dat Wesentlecht reduzéiert, soudass eng ganz eegen Dynamik entsteet. A ganz am Sënn vum Joresthema goufen dëst Joer d'Wanderschong ugedoen. D'Resultat ass eng Ausstellung mat beandrockende Landschaften.

De Radio-Reportage iwwer d'Walfer Bicherdeeg

Andréck vum Weekend:

"Into Babel" vum James Leader ass deen neisten Titel beim engleschsproochege Verlag Black Fountain Press / © Bea Kneip/RTL

Bei Op de Lay fënnt een ënner aneren den neie Krimi vum Marco Schank an "Aaron" e Fantasy-Roman vum Lena Differding / © Bea Kneip/RTL

Vu Mënschen an Hënn: "Eine besondere Beziehung" vum Kim Kieffer ass bei den éditions Revue erauskomm / © Bea Kneip/RTL

Esch ass vill méi wéi just eng Industriestad, wéi d'Escher Geschichtsfrënn mat hirem Buch "Vergessene Geschichte aus Esch" beweisen / © Bea Kneip/RTL

De Luc François an den Tullio Forgiarini presentéieren hir nei Bicher um Stand vun Hydre éditions / © Bea Kneip/RTL

De Jeff Schinker (riets) ass dëst Joer an der Autoreresidenz zu Walfer. Säin Text kann een an der neister Ausgab vun de Cahiers Luxembourgeois liesen. / © Bea Kneip/RTL

"Ouninumm" ass den neie Roman vum Jhemp Hoscheid / © Bea Kneip/RTL

Dës Band ass "kriminell"! 24 Bicher si bis elo bei Crime.lu erauskomm / © Bea Kneip/RTL

"Les secrets de Tadi" ass den neie Roman vum Kerstin Medinger (éditions Phi) / © Bea Kneip/RTL

Och de Jacques Steiwer huet en neie Roman erausbruecht / © Bea Kneip/RTL

Och um Stand vun den Editions Schortgen ginn et vill nei Bicher z'entdecken / © Bea Kneip/RTL

D'Tessy Antony-De Nassau mat hirem neiste Kannerbuch

D'Ulrike Bail (Hei um Stand vun hirem Verlag) ass zesumme mam Jeff Schinker dëst Joer zu Walfer an der Autoreresidenz / © Bea Kneip/RTL

Mam Gedichtband "Reimereien" huet de Pe'l Schlechter en neit Buch erausbruecht - mat 103 Joer / © Bea Kneip/RTL

Mam Kalenner vun de Walfer Schoulkanner kann een sech elo schon d'Walfer Bicherdeeg 2025 notéieren / © Bea Kneip/RTL

De Stand vun den éditions Guy Binsfeld an der Hal Books for Kids / © Bea Kneip/RTL

Dëst neit Spill soll de Kanner dobäi hëllefen Liesen ze léieren / © Bea Kneip/RTL

Nei Bicher um Stand vu Perspektiv éditions an der Hal Books for Kids / © Bea Kneip/RTL

De Kënschtler Marco Weiten bei der Aarbecht an der Hal Books for Kids / © Bea Kneip/RTL

D'Fantasy-Autorin Audrey Martin op hirem Stand an der Hal Books for Kids / © Bea Kneip/RTL

Groussen Undrang um Bicher-Occasiounsmaart / © Bea Kneip/RTL

Owes spéit an der Kaffisstuff op de Walfer Bicherdeeg: "Word in Progress" hei mam Dichter Flame Darinov / © Bea Kneip/RTL

Och d'Larisa Faber huet sech de Froë vum Public gestallt - an deene vun de Kritiker Cosimo Suglia an Anita Gretsch / © Bea Kneip/RTL

De Robert Schofield liest aus sengem Roman-Manuskript "Next of Kin" / © Bea Kneip/RTL

Lëtzebuerger Literatur fir d'Grondschoul an de Secondaire: um Stand vum Script konnt een nei Schoulbicher entdecken / © Bea Kneip/RTL

De Jeff Schinker an d'Ulrike Bail (Hei bei engem Optrëtt op der Aussebün) waren dëst Joer an der Autorenresidenz zu Walfer / © Bea Kneip/RTL

Ee vun de leschten Zäitzeien: De Gerd Klestadt (hei mat senger Duechter) war als Bouf am Konzentratiounslager Bergen-Belsen. D'Kathrin Mess (riets) huet säin Témoignage an engem Buch festgehalen. / © Bea Kneip/RTL

Les photos diffusées sur ce site sont soumises à des droits d’auteurs et ne peuvent être copiées, modifiées, vendues, sans l’autorisation préalable du propriétaire du site en question.

Texter hautno erliewen

Dat kann een op der Baussebün um Terrain vun de Walfer Bicherdeeg. Erlieft Liesungen, bei deene Musek, Performance-Kënschtler a Literatur zu enger Eenheet verschmëlzen. A fir d'Freed um Liesen och bei de Kanner wakereg ze këddelen, si Liesungen an zwee Säll fir all Altersgruppen organiséiert, nieft eng faarweger Offer u Bicher am Beräich Books for Kids. E gemittlechen Treffpunkt ass de Café littéraire an der Hal 2.

Wéi gewinnt ass e Sonndeg eis traditionell RTL-Dictée, déi och nees am Livestream iwwerdroe gëtt.

De Programm vun de Walfer Bicherdeeg.

Klickt op d'Bild, fir et ze vergréisseren.