Dat klengt Barrière-Haische gouf zwar als schützenswäert agestuuft, ma aus sécherheetstechnesche Grënn misst et awer fort. Dat hunn d’CFL am Accord mat der Gemengeverwaltung vu Miersch decidéiert. D’Gebai wier ze no bei de Schinnen a léich och bannent den elektreschen Eisebunnsinstallatiounen.
Fir all Interventioun um Gebai misst deemno de Schinneverkéier ënnerbrach ginn. Eng Plackett un der südlecher Giewelsäit erënnert un de Politiker, Gewerkschaftler an Eisebunner. Dës soll an eng Gedenkstell integréiert ginn, déi hei um Site soll installéiert ginn.
