RIPDoud vum Leo Folschette am Alter vu 67 Joer
De Lëtzebuerger Schauspiller ass um Dënschdeg de Moien no laanger Krankheet gestuerwen. Dat huet seng Famill RTL géintiwwer confirméiert.
Hien huet ënnert anerem an de Filmer Gutland, Little Duke a Linda, Linda! matgewierkt. Linda, Linda! krut dëst Joer nach de Lëtzebuerger Filmpräis fir dee beschte Kuerzfilm. De Leo Folschette war och mat responsabel fir d’Televisiounsstatioun Dok. an huet och Gemengentélé gemaach, fir Mamer TV a Steesel TV. Hien hannerléisst dräi Meedercher Anna-Lee, Lisa a Rebecca.
Fir d’Occasioun vun der Sortie vu “Little Duke” (2023) vum Andy Bausch war de Leo Folschette och Invité am Live! Planet People:
Live! Planet People vum 28. Abrëll 2023
Den Talkmagazin um Freidegowend, e flotte Mix aus aktuellen Themen an interessante Leit.
Hei de Leo Folschette am Kuerzfilm aus der Serie Quickies vu senger Duechter Lisa Folschette: “Haut ass den Dag”.
Quickies: Haut ass den Dag
E Film iwwer e Mann a säi Kampf mat senger Alkoholsucht. “Haut ass den Dag” ass vun der Realisatrice Lisa Folschette.
