1919 ass dunn no villen Debatten an der Chamber fir dat allgemengt Walrecht gestëmmt ginn. Den Nationalmusée weist mat der Expo „#wielewatmersinn“ méi, wéi nëmmen en einfache Réckbléck.
D'Expo ass en interdisziplinäre Projet ginn, bei deem net nëmmen de Musée, ma och d'Chamber hiren Deel dozou bäigedroen huet. Al Dokumenter, Affichen a Projektioune sinn ee Volet. Ma de Programm ronderëm d'Ausstellung geet aus dem klassesche Muséeskader eraus. Donieft ginn et Visites guidées, pädagogesch Atelieren an organiséiert Debatten.
„#wielewatmersinn“ leeft nach bis de 6. September 2020 am Nationalmusée. D'Entrée ass gratis.
