Scho fir d'4te Kéier lancéiert RTL d’Casting-Show “Generation Art”, bei där Kënschtler hiert Talent a Kënne beweise kënnen. Bei den zwou éischten Editiounen (2012 an 2014) goung et ëm Konscht am Allgemengen, bei der drëtter Editioun (2017) stoung d’Fotografie am Mëttelpunkt. An dorëms geet et och dës Kéier.
Wie passionéiert ass vu Fotografie a Loscht huet seng Wierker ze weisen, ass hei richteg. Et gëtt d’Méiglechkeet sech weider z’entwéckelen a bei diversen Challengë matzemaachen.
All Challenge steet ënnert engem aneren Thema, dat vum Fotograf soll ëmgesat ginn. Mir begleeden de Kandidat mat enger Kamera op senger Sich no Iddien bis hin zu der Realisatioun an der Presentatioun vu senge Fotoen. All Challenge gëtt vun enger professioneller Jury bewäert an zum Schluss kommen déi Kandidaten, déi am meeschten iwwerzeegt hunn, an d’Finall.
D’Finaliste kréien d’Geleeënheet, hir Wierker auszestellen an op de grousse Gewënner vun Generation Art waart um Enn och ee Geldpräis!
Hei nach emol den Opruff:
