Wann een eng Banann ësst, ass dat eigentlech näischt Spektakuläres, ma an dësem Fall huet et sech ëm e Konschtwierk gehandelt. D'Uebststéck gouf nämlech rezent fir 108.500 Euro op der Art Basel verkaf.
Den amerikanesche Kënschtler David Datuna huet sech d'Banann, déi en Deel vum Italiener Maurizio Cattelan senger Installatioun war, gegraff a virun den Ae vun de schockéierte Spectateure giess.
Den Datuna huet seng Performance, déi en als "Hungry Artist" betitelt huet, mat de Wierder kommentéiert: "Ech hunn dem Maurizio Cattelan seng Konscht gär, an ech hunn dës Installatioun wierklech gär. Se ass delikat."
Fir déi Responsabel vun der Galerie Perrotin war d'Aktioun n et weider dramatesch, d'Konschtwierk wier net zerstéiert. De Keefer hätt jo just den Authentizitéit-Zertifikat an d'Rechter fir d'Iddi kaf, d'Bananne selwer kann een austauschen.
