Extravagant Kostümer, vill Animatioun an technologesch Kreatioune maachen de Succès vun dësem Rendez-vous aus, deen zanter 2011 am Fond-de-Gras organiséiert gëtt.

Steampunks nennt een déi Leit, déi sech vun den industrielle Revolutiounen inspiréieren. Si kommen aus ganz Europa fir hir Kultur mat de Lëtzebuerger ze deelen a sech vun de Visiteure bewonneren ze loossen.

Den Organisateur, de Minett Park Fond-de-Gras, huet e ganze Programm fir Grouss a Kleng op d’Been gesat mat Stroossekonscht, Marionettentheater, Illusionismus, Dréiuergelspill a vill aner flott Presentatiounen.

Op engem groussen, viktorianesche Maart mat iwwer 50 Stänn fannen d’Visiteuren donieft och Kleeder, Accessoiren, Zeechnungen, Bijouen, Dekoratioune a Steampunk-Sammlerstécker.

Fir traditionell Verfleegung, mat Flammkuchen, vegetaresch, Crêperie, Bäckerei, Cocktail-Bar an engem Béierstand, op deem 17 Zorten ugebuede ginn.

D’Entrée um Site ass gratis.

The photos published on this site are subject to copyright and may not be copied, modified, or sold without the prior permission of the owner of the site in question.

Wéi kënnt een um Fond-de-Gras?

Et ginn zwou Méiglechkeeten: mam "Train 1900" vu Péiteng aus oder mam Bus vu Nidderkuer, Déifferdeng a Lamadelaine aus. D’Minièresbunn wäert déi zwee Deeg och fueren, mä net bis op Lasauvage.

Hei fannt dir d'Horaire vun den Zich:

Minièresbunn: vum Fond-de-Gras aus um 14.00, 15.00, 16.00 a 17.00 Auer.

Sonndeg:

Train 1900: vu Péiteng aus um 11.00, 12.00, 12.45, 13.30, 14.15, 15.00, 15.45, 16.30, 17.15, 18.00, 18.45 an 19.25 Auer.

Minièresbunn: vum Fond-de-Gras aus um 11.00, 12.00, 14.00, 15.00, 16.00 a 17.00 Auer.

Méi Informatiounen um Site www.anno1900.lu