De "Rumpelstilzchen" gëtt dëse Weekend zu Esch gespillt.
Den Auteur Ian de Toffoli huet eng nei Versioun geschriwwen an d'Myriam Muller huet d'Regie gefouert. Et ass op Lëtzebuergesch an eng 15 Leit sinn op der Bün, dat sinn Larisa Faber, Fabio Godinho, Elisabet Johannesdottir, Marco Lorenzini, deen de Rumpelstilzche spillt, och de Jean-Paul Maes, Raoul Schlechter, Pitt Simon a Brigitte Urhausen.
Gespillt gëtt e Samschdeg 5.1. an e Sonndeg 6.1.2019 all Kéier um 15 Auer.
De Jean Noesen huet e Spektakel iwwer d‘Liewe vun der Edith Piaf geschriwwen, mam Fokus op hir Sucht no Léift, Männer, Drogen an Alkohol. Et gi verschidde signifikativ Zeenen aus der Piaf hirem beweegte Liewe presentéiert; tëscht den Zeene gëtt jeeweils ee passend Lidd gesong. Et si 14 Lidder am Ganzen. D'Relatioun mat hire sëlleche Männer gëtt gewisen, vum Montand iwwer de Moustaki an den Aznavour, bis bei de Sarapo.
D'Veronique Kinnen spillt a sengt d'Edith Piaf
De Spektakel ''Hommage à la Môme'' geet och virun, elo de Sonnden 6. Januar zu Käerjeng am Treff, den 20. zu Péiteng am Home an de 26. a 27. Januar rëm zu Stengefort an der Aler Schmelz, sou wéi och deen 10. Februar 2019.
Déi grouss Opereliteratur kënnt an enger sprëtzeger Story op d'Bühn bruecht. Et geet ëm e Schrëftsteller, deen ëmmer op der Rees ass an ëmmer nees de Frae verfält.
E poetesche Lyrik-Concert mam Claudia Moulin, Soprano. Vladimir Kapshuk, Baryton. Grégory Moulin um Piano a mat Wierker vu Mozart, Puccini, Verdi, J. Strauss, Tchaïkovsky, Rachmaninov, Gershwin, Lehár, Leoncavallo, Fauré et Ravel.
Am CAPE zu Ettelbréck e Sonnden 6. Januar ëm 5 Auer.
11 fantastesch Solisten aus Berlin sinn zanter méi wéi 20 Joer berühmt-berüchtigt fir feinste Musek a witzege Slapstick. Dat geet vu Bach bis zu de Beatles a si suerge fir Musek mat Witz, Swing a Spass!
Am Cube 521 sinn de Sonnden 6.1.2019 ëm 6 Auer "Thomas Hoffmann und seine Brass Band Berlin".
