Butschebuerg18. Editioun vum Mëttelalterfest zu Diddeleng

RTL Lëtzebuerg

Wat viru 18 Joer mat 15 Stänn an op engem Dag organiséiert gouf, huet sech séier entwéckelt.

Update: 08.09.2019 14:11

D’Mëttelalterfest zu Diddeleng am Quartier Butschebuerg ass schonn op iwwer 90 Stänn gewuess an d’Fest geet iwwer zwee Deeg.

D’Stroossen aus Makadamm gi mat Stréi iwwerzunn an et begéint ee Leit an deenen verschiddenste Kleeder. Dobäi gëtt ganz vill Gezei selwer gebitzt.

The photos published on this site are subject to copyright and may not be copied, modified, or sold without the prior permission of the owner of the site in question.

Et ass den Interessi-Veräin vum Quartier Butschebuerg, dee fir d’Organisatioun responsabel ass. Op eng ronn 45 Benevoller kann een zréckgräifen. D’Zil ass et och, den ale Charakter vum Duerfkär opliewen ze loossen.

Eng Rees zréck an d’Zäit tëscht dem 6. a 15.Joerhonnert kann een hei also wärend zwee Deeg zu Diddeleng maachen.

18. Editioun vum Mëttelalterfest zu Diddeleng

Wat viru 18 Joer mat 15 Stänn an op engem Dag organiséiert gouf, huet sech séier entwéckelt