E Freideg wollt d’Fra am Luxus-Haus vum milliardeschwéieren Investisseur Warren Stephens an der Upper East Side botzen. Wéi si de Lift benotzt huet, ass deen tëscht dem zweeten an drëtte Stack hänke bliwwen.
Aus bis ewell nach net gekläerte Grënn, konnt d’Botzfra keen ëm Hëllef ruffen. Wéi d’Famill Stephens no hirer Rees e Méindeg nees zeréckkomm ass, ass hinnen opgefall, dass de Lift net géing goen. Si hunn d’Pompjeeë geruff.
D’Fra gouf gerett, hir ass et den Ëmstänn entspriechend gutt gaang. Si koum fir eng Kontroll an d’Spidol.
