Wéi US-Medie mellen, ass hien e Méindeg am Alter vun 38 Joer verscheet. Dem Vovkovinskiy seng Mamm huet iwwerdeems op Facebook wësse gedoen, dass hire Bouf e Freideg am Spidol un Häerzproblemer gestuerwe wier.
Den Igor Vovkovinskiy staamt aus der Ukrain a war 2,35 Meter grouss. Ma och wann hie virun 11 Joer vum Guinness-Buch vun de Rekorder den Titel vum gréisste Mann an den USA krut, war hie weltwäit net den Titelverdeedeger. Nach méi grouss ass den Türk Sultan Kösen mat sengen 2,51 Meter. Den US-Amerikaner Robert Wadlow, deen am Joer 1940 mat nëmmen 22 Joer verscheet ass, soll esouguer eng Gréisst vun 2,72 Meter gehat hunn.
De Vovkovinskiy hat iwwert d’US-Grenzen ewech fir Schlagzeile gesuergt, well hie bei enger Walveranstaltung vum Barack Obama en T-Shirt unhat, op deem stoung “Gréissten Obama-Supporter weltwäit”.
