Power ouni Enn, e volle Baart a séier Fäischt, dat beschreift den Chuck Norris wuel am beschten. Him gëtt souguer nogesot onstierflech ze sinn. Komme mol op den Ufank zeréck...
Den 10. Mäerz 1940 koum de Carlos Ray Norris Jr., haut bekannten US-amerikanesche Kampfkënschtler, Action-Schauspiller an Auteur, zu Ryan, Oklahoma op d’Welt.
Nodeems den Norris 1958 säin Ofschloss am Lycée gemaach huet, ass hie bei d’United Air Force komm. Wärend sengem Asaz als Militär-Polizist a Korea huet hie säi Spëtznumm “Chuck” kritt an huet do och seng Passioun fir de Kampfsport entdeckt. Wéi hien 1962 zeréck an Amerika koum, huet hien eng ganz Rei Karate-Schoulen opgemaach.
An d’Filmbranche ass den Chuck Norris duerch de Steve McQueen komm, deen ee vu senge Schüler a gudde Kolleeg war.
Zu senge gréisste Rollen zu Hollywood gehéieren ënner anerem Filmer wéi “The Way of the Dragon” mam Bruce Lee, sou wéi déi dräideeleg Kinofilmserie “Missing in Action”.
Kultstatus huet den Chuck Norris awer eréischt mat der Serie “Walker, Texas Ranger” erreecht, déi vun 1993-2001 produzéiert gouf. Nodeems den Acteur 2004 net méi am Kino ze gesi war, huet hien 2012 am Film “The Expendables 2" e Comeback gefeiert.
Wie Mëtt vun den 90er Joren oder méi spéit op d’Welt koum, kennt den Chuck Norris wuel manner wéinst senge ville Filmrollen, mä méi duerch déi ganz beléift “Chuck Norris Facts”.
Mir hunn Iech der hei e puer erausgesicht:
Och zum Coronavirus ginn et ewell Witzer:
RTL NEWS: Chuck Norris iwwerlieft zwee Häerzinfarkter an zwou Stonnen
