E Freideg huet d’Queen Elizabeth II de brittesche Krichsveteran Tom Moore zum Ritter geschloen. Fir den 100 Joer alen “Captain Tom” huet d’Monarchin souguer hir Corona-Isolatioun opgehuewen. D’Zeremonie war ënner strengen Hygiènesmesuren am Gaart vum Schlass Windsor.
Mat sengem Trëppeltour vun 100 Tier ronderëm den eegene Gaart huet de Weltkrichsveteran ronn 33 Milliounen Euro fir de gudden Zweck gesammelt. Hein hat Sponsore gesicht, déi him pro Tour Sue géife ginn. Säin Zil war, mat senger Aktioun 1.000 Pond, also 1.100 Euro, ze sammelen. Zum Schluss koum däitlech méi eraus.
Grond genuch fir d’Queen (94) héchstperséinlech, de Mann bei enger Zeremonie um Schlass Windsor mat dem Titel vum Ritter auszezeechnen. Den (elo) Sir Tom Moore (100) gouf mat sengem Projet e reegelrecht Virbild fir d’Britten an der Kris.
