Dat huet den houfrege Papp op Instagram matgedeelt an den aussergewéinlechen Numm vum Kand verroden. “Cosmo” gouf dee Klenge gedeeft.
D’Schwangerschaft hat d’Koppel, déi sech zejoert am Oktober d’Jo-Wuert ginn hat, laang fir sech behalen. Kuerz virun der Gebuert gouf eréischt bekannt, dass d’Scarlett Johansson schwanger wier. Wéi “Page Six” schreift, hätt de Colin Jost wärend engem Optrëtt a Connecticut iwwert den Nowuess geschwat. Schonn am Juni goufen et Rumeuren iwwert d’Schwangerschaft, well déi 36 Joer al Schauspillerin eng Partie Rendez-vousen ofgesot huet a sech och aus der Ëffentlechkeet zeréckgezunn huet.
D’Duechter vum Scarlett Johansson dierf sech elo iwwert e Hallefbrudder freeën. D’Rose staamt aus dem Johansson sengem Bestietnis mam Romain Dauriac a koum 2014 op d’Welt.
