An enger neier Serie maache mir dofir de Selbsttest a verbréngen een Dag an engem frieme Beruff.
Fir di éischt Episod ass eis Reporterin een Dag laang Educatrice an enger Crèche a stellt fest, dass dat wäitaus méi ass, ewéi de Kanner beim Spillen nozekucken. Et gëllt, d’Kanner bei Laun ze halen an hir Opmierksamkeets-Span ass kuerz. Et muss ee sech also ëmmer erëm nei Geschichten, Interaktiounen an Aktivitéiten ausdenken. An dat kann, wéi eis Reporterin feststelle muss, duerchaus un d’Substanz goen.
