Et ass gewosst, dass hautzedaags den Telefon e privaten an intime Géigestand ginn ass. Keen aneren Apparat an héchstwahrscheinlech keng aner Persoun kennt méi Geheimnisser iwwert den Notzer, wéi de Smartphone. Bis ewell war et net méiglech, dës wichteg Maschinn ze heemelen oder ze këddelen. Dës “traureg” Ära geet awer elo op en Enn.
Déi aussergewéinlech Erfindung vu franséisch-britesche Fuerscher erënnert staark un déi mënschlech Haut. D’Matière aus Silikon reagéiert immens sensibel op Kierperkontakt. D’Housse spiert et, wa se gekëddelt, gepëtzt oder geheemelt gëtt.
D’Wëssenschaftler wëlle kucken, wéi d’Leit op déi falsch Haut aus Silikon reagéieren. Zil ass et, fir e richtege Kontakt tëscht dem Mënsch an dem Apparat hierzestellen. Den Ament kritt een de Produit net ze kafen, et ass nach e Prototyp.
