Viru fënnef Joer koum hiert éischt Kachbuch “Kache wéi fréier” eraus an ass doduerch och bekannt ginn. Haut “followen” hir op Facebook iwwer 5.300 Leit.
Am September koum elo hiert 2. Buch op de Maart, bei deem si vu Bauerefamillen aus 6 aneren europäesche Länner Ënnerstëtzung krut.
Dat neit Kachbuch “Kochen wie früher International” ass op zwou Sproochen erauskomm, op Däitsch a Franséisch.
D’Isabelle Henschen huet d’Berthe an hirer Kiche besicht. Dobäi gouf natierlech och gekacht an iwwert d’Kache geschwat.
