Déi däitsch Stad Mainz ass ëm eng skurril Attraktioun méi räich ginn. Schonn zejoert krut an der Rhäin-Stad ee Patient bei enger normaler Kontroll de Risen-Zant gezunn. Deemools waren Dokter a Patient baff: 37,2 Milimeter!
An de leschte Méint huet de Medeziner all Hiewelen a Beweegung gesat, fir den Zant vum Guiness Buch offiziell als Rekord unerkannt ze kréien.
No villem Hin an Hier, Réckfroen a Prüfunge koum dann elo um Dënschdeg d’Bestätegung, datt den Zant dee längste mënschlechen op der Welt ass.
