Och zu Lëtzebuerg sichen ëmmer méi Leit e Partner iwwer Online-Plattformen oder Dating-Apps um Handy. Ma leider sinn och vill Onéierlecher am Internet ënnerwee a probéieren, hir nei Bekanntschaften ze beducksen a vun hinne Suen ze kréien.
Dofir soll ee beim virtuelle Flirten oppassen, wat ee wiem erzielt a wéi eng Fotoen ee verëffentlecht. Am Kontakt mat enger neier Bekanntschaft sollt een eng gesond Skepsis un de Dag leeën a méiglechst séier de perséinleche Kontakt sichen, a sief et nëmme per Kamera.
Ass een net sécher oder ass een éiere scho beduckst ginn, kann ee sech un d’Helpline vu BeeSecure wenden.
