Dat soll net nëmme gutt si fir d’Ëmwelt, mä och fir d’Gesondheet vun den Hoer an der Kapphaut. Ganz sou radikal muss et net sinn, et ginn och Alternativen zum Shampoing aus der Plastiksfläsch, déi net nëmmen eng ëmweltfrëndlech Verpackung hunn, nämlech guer keng, mä och nëmmen aus natierleche Stoffer hiergestallt ass.
Den Olivier Catani huet 3 Methode getest. Eng Woch huet hie seng Hoer nëmme mat waarmem Waasser gewäsch, déi aner Woch mat enger eegener Mëschung aus puerer Seef, Kokosfett, Waasser, Äppelesseg a Lavendelextrakt an déi drëtt a lescht Woch mam Stéck Hoerseef.
