Wéi United Airlines e Méindeg matgedeelt huet, huet d’Maschinn e Sonndeg hire Vol vun Eagle (Colorado) op Newark (New Jersey) missen ofbriechen an zu Denver tëschelanden. E puer Passagéier hate sech iwwert e Mann opgereegt, deen hinnen ze vill genéitst a gehouscht hat.
E puer Leit goufen aus Angscht, de Mann kéint si mam Coronavirus ugestach hunn, därmoossen aggressiv, dass si zu Denver aus dem Fliger gebiede goufen. Duerno ass d’Maschinn wéi geplangt op Newark weidergeflunn.
United Airlines huet Lokalmedien confirméiert, dass kee Passagéier a Gefor gewiescht wier. De Mann hätt ganz einfach eng Allergie a konnt no engem kuerzen Check u Bord bleiwen.
