Déi 19 Joer al Miss Elsass, d'Delphine Wespiser, ass e Samschdegowend zur Miss France 2012 gekréint ginn.

Quatrième dauphine gëtt d'Charlotte Murray, Miss Côte d'Azur, troisième dauphine ass d'Solène Froment, Miss Provence, deuxième dauphine ass d'Marie Payet, Miss Réunion an den Titel vu première Dauphine ass fir d'Mathilde Couly, Miss Pays de Loire.

33 Missen aus ganz Frankräich hu bei dëser Wahl matgemaach.

D'Jury war presidéiert vum Schauspiller Alain Delon.

D'Delphine Wespier ass déi 65. Miss France, a schonn déi zweet zanter dem Depart vum Geneviève de Fontenay, déi e Sonndeg hir eege kontroverséiert Misswahl organiséiert "Miss Prestige Nationale".

"J'ai réussi à emmener l'Alsace jusqu'à l'élection nationale. Je suis très fière pour eux (les Alsaciens). Je voudrais que les Français soient fiers de moi au travers des valeurs que je véhicule et que je soutiens (...) la défense des animaux", huet déi jonk Miss deklaréiert.

D'Delphine ass 1,75m grouss, Studentin am Management an ass eng passionéiert Dänzerin.
Si gewënnt fir iwwer 100.000€ Kadoen a ka vun engem Appartement zu Paräis profitéieren.