Den Tourismusminister huet gemengt, datt vill Lëtzebuerger dat eegent Land net kennen. Dofir gouf d'Campagne "Vakanz doheem" lancéiert.

Fir Vakanz ze maachen, muss een net an d'Ausland fueren, et kann een och zu Lëtzebuerg bleiwen. Där Meenung ass op alle Fall den Tourismusminister Lex Delles, deen e Méindeg de Moien d'Campagne ''Vakanz Doheem'' presentéiert huet.

D'Defense zu Paräis op 375 Kilometer vu Lëtzebuerg, d'Katalanesch Wäiregioun op 1200 Kilometer a Fjord an Norwegen op 2000 Kilometer. Firwat net einfach de Kierchbierg, d'Miseler Wéngerten an den Ourdall Biwels, quasi virun der Hausdier?

Et muss een net wäit fuere fir equivalent touristesch Experienzen, esou de Message op den neien Affichë vum Tourismusministère. E Message, deen den zoustännege Minister Lex Delles esou formuléiert: ''Wat eist Land op touristeschem Niveau ze bidden huet, soll een nach eng Kéier weisen, well ganz vill Leit erënneren sech vläicht nach un e Schoulausfluch an d'Veianer Schlass. Mä do ass ganz vill investéiert ginn an et entdeckt een et haut mat ganz aneren Aen.''

Effektiv ass Lëtzebuerg op engem positive Wee, wat d'Iwwernuechtungen ugeet. Zejoert hat nach d'Staatssekretärin am Wirtschaftsministère Francine Closener dierfen annoncéieren, dass d'Grenz vun 3 Milliounen Iwwernuechtungen an engem Joer fir d'éischt depasséiert gouf. ''Ech mengen dass dës Campagne net am Lien ass, dass ee muss virun d'Dier siche goen, mä ech mengen dass et souwisou ganz wichteg ass, dass een virun Dir geet, fir ze weise wat mir alles ze bidden hunn, a fir als Tourist Lëtzebuerg nees anescht z'entdecken'', esou erkläert de Lex Delles d'Intentioun vu ''Vakanz Doheem''.

Et soll eppes verstäerkt ginn, wat deelweis scho Realitéit ass: de Lëtzebuerger Resident mécht scho Vakanz hei am Land. De Lex Delles hëlt Zuele vum Statec erbäi. Zejoert hunn 85.000 Residenten an engem Lëtzebuerger Hotel geschlof, ronn 5.500 waren et der op de Campingen.

D'selwecht ewéi bei den auslänneschen Touriste sinn och bei de Residenten de MUDAM an de Beetebuerger Park déi beléiftsten Attraktiounen. Mat de 5 regionalen Tourismusbüroen, zum Beispill dee fir de Mëllerdall, huet d'Land awer divers aner interessant Plaze fir Kultur an Erhuelung ze bidden. Nëmme wësse vill Residenten dat net, seet op mannst de Lex Delles. Déi Lacune soll mat enger landeswäiter Aktioun zougemaach ginn. Op 6 Plazen am Land gëtt e Portal opgeriicht. Mat Hëllef vun enger Applikatioun kann ee sech zum Beispill aus der Groussgaass virtuell an den Ourdall beamen. De Lex Delles: ''Et geet drëms de Leit ze weisen, wat et zu Lëtzebuerg alles gëtt, wat ee ka kucke goen, a fir engem d'Regiounen an deenen een nach net war méi nei ze bréngen. Wann ee gesäit, dass een duerch esou e Portal ka goen, an da steet een op eemol virun engem Schlass oder virun engem Floss, mä a Realitéit ass een nach ëmmer op enger Haaptverkéiersachs, da gesäit een, dass et awer ganz flott Atoute ginn.''

D'Lëtzebuerger Bierger sollen awer net just heiheem Vakanz maachen, mä si goufen elo scho fir d'drëtt invitéiert, déi Plazen déi si wéi hir eege Boxentäsch kënnen, ze presentéieren. Als fräiwëllege Guide fir een Dag. D'Gaby Huberty ass vun Ufank un dobäi, a guidéiert d'Besicher duerch den Tunnel vun der Spuerkeess: ''Ech maachen zanter dräi Joer de selwechten Tour an en hat ëmmer e gudde Succès. Ech hätt méi ewéi 10 Leit kënne mathuelen, mä et ass wéi de Lex Delles seet, et muss ee sech e bësse limitéieren, fir a Kontakt mat de Leit ze kommen.''

Souwuel als Tourist, wéi als Guide, kënnt jiddereen a Fro. D'Visitten si gratis, ma dofir och ganz beléift: vun deenen 130 sinn der schonn eng Partie ausgebucht. De ganze Summer iwwer kann ee sech nach umellen. Déi lescht Visitte sinn de 15. September.

De Communiqué

Le ministre du Tourisme Lex Delles présente la campagne «Vakanz doheem» et l'édition 2019 de l'initiative «Guide for one Day» (08.07.2019)

Communiqué par: ministère de l'Économie / Direction générale du tourisme

En date du 8 juillet 2019, le ministre du Tourisme Lex Delles a présenté la nouvelle campagne «Vakanz doheem» qui cible les résidents du Grand-Duché et de la Grande Région afin de les rendre attentifs à la beauté du pays et de les inviter à découvrir la richesse naturelle et culturelle du Luxembourg.

S'inscrivant dans la stratégie touristique «Tourisme 2022», cette nouvelle campagne, qui débute le 8 juillet 2019, sera accompagnée d'actions de sensibilisation à travers le pays. Afin d'encourager les résidents et les habitants de la Grande Région de découvrir le Luxembourg, 6 portails «Augmented Reality» seront installés fin juillet à travers le pays. Lors de cette action, le visiteur pourra se faire afficher sur l'écran de son smartphone des vues panoramiques à 360° de différents lieux touristiques et insolites dans le pays.

Le 15 juillet 2019, un concours photo intitulé «Vakanz doheem» sera lancé sur les réseaux sociaux. Jusqu'au 15 septembre 2019, le grand public est invité à partager son interprétation du sujet en publiant une photo sur Instagram ou sur Facebook avec le hashtag #vakanzdoheem. Les gagnants du concours seront annoncés sur les réseaux sociaux.

Lors de la conférence de presse, le ministre du Tourisme Lex Delles a également présenté la troisième édition de l'initiative «Guide for one Day», qui se déroule du 29 juin au 15 septembre 2019. À présent, 30 guides se sont inscrits et offrent quelque 80 guidages. Tous les guides sont des bénévoles, indépendants des guides officiels des Offices du tourisme, dont ils ne sont en aucun cas concurrents.

Des visites sont offertes en quatre langues et les intéressés peuvent s'inscrire sur le site www.guideforoneday.lu. Les visites durent en moyenne une heure et demie et compteront en règle générale environ 10 participants. L'idée de ce projet permet aux participants de se rencontrer de manière conviviale et informelle ainsi que de découvrir ensemble le Luxembourg sous toutes ses facettes. Les visiteurs peuvent encore s'inscrire jusqu'au 13 septembre 2019.

Le ministre du Tourisme a lancé un appel: «Chacune de ces deux campagnes représente une excellente opportunité de redécouvrir le Luxembourg autrement et de se faire surprendre par de beaux endroits et de belles opportunités qu'on ne connaissait pas où dont on avait peut-être oublié l'existence.»

Police: Vakanz umellen

Sollt Dir dann awer ärer Vakanz wärend e puer Deeg net doheem sinn, kënnt Dir dat bei der Police umellen. Esou, datt eng Patrull bei Iech doheem ka laanscht fueren.