Berlin Fashion WeekD'RTL-Wiederfee Valérie Wagner leeft mat um Catwalk

Amateuren an Interesséierter vu Moud kënnen déi ganz Evenementer digital suivéieren, ma et sinn tatsächlech och nees normal Live-Shows virgesinn.

Hei e kuerzen Iwwerbléck vun deene Showen:

11. September

• 20.00 Auer: About You Sh

12. September

• 13.00 Auer: Leni Klum X About You
• 16.15 Auer: Lascana
• 20.00 Auer: LeGer

13. September

• 15.00 Auer: Hoermanseder X About You
• 19.15 Auer: Levi’s

14. September

• 10.45 Auer: Adidas
• 15.00 Auer: Esprit
• 19.15 Auer: Guido Maria Kretschmer

15. September

• 10.45 Auer: Jack&Jones
• 15.00 Auer: Tom Tailor
• 19.15 Auer: A lot less by Lena Meyer Landrut

Nieft ville bekannten Designer an anere Promien, ass awer och e bekannte Gesiicht vu Lëtzebuerg op der Berliner Fashion Week ze gesinn, nämlech d’Valérie Wagner. Wéi d’Lëtzebuergerin déi lescht Deeg an der däitscher Haaptstad erlieft huet, huet si eis e Mëttwoch de Moie vun der Plaz verroden.

An den Dag fänkt fir e Model nawell fréi un, do heescht et um 6 Auer sur place sinn. An dat ass och net vun ongeféier, nieft de ganze Preparatioune wéi Maquillage, Coiffure an an den Outfit klammen, hëlt de Covid-Check nämlech e gudde Batz Zäit ewech, wat och fir zousätzleche Stress bei alle Bedeelegten suergt. Well ouni Test duerf och keen eran.

D’Valérie Wagner ass fir d’Berliner Designerin Isabel Vollrath gelaf. Si ass virun allem bekannt fir hir Haute Couture a gëtt an deem Sënn zu Berlin och “Wunderwesen der Couture” genannt.