Mir kréien en exklusiven Abléck hanner d’Kulisse vun der Maison du Grand-Duc a léieren déi Leit kennen, déi fir d’groussherzoglech Famill schaffen.
Si suergen am Hannergrond dofir, dass alles op der richteger Plaz a jiddereen zefridden ass: d’Valeten. E villfältege Beruff, bei deem Diskretioun grouss geschriwwe gëtt. D’Antoinette Hoschet schafft zanter zwee an engem hallwe Joer als Valet am Palais. Do virdru war si 10 Joer laang Serveuse an engem Duerfbistro. T-Shirt an Jeansbox goufen duerch Costume an Händchen ersat. Mir konnten d’Antoinette een Dag laang mat der Kamera op der Aarbecht begleeden, wéi de Grand-Duc nei Ambassadeuren empfaangen huet.
De Sëlwermeeschter Armando Zanette krut schonn déi eng oder aner Medail fir säin Déngscht. Hie schafft nämlech zanter méi wéi 30 Joer um Haff. An där Zäit konnt hien allen dräi Haiser kenne léieren: Fëschbech, de Palais an d’Schlass. Am Reportage erzielt hien eis méi iwwert déi schéinst Erënnerungen aus senger laanger Karriär. An hie mécht eis d’Dieren op vun der Sëlwerkummer am Palais, a weist eis wéi eng Schätz sech do verstoppen.
