RTL - Mat grousser Pëtz klenggemaach: Déi al Hammerel-Bréck zu Beetebuerg ass Geschicht

E Samschdeg den Owend goufen déi lescht 600 Tonnen vun der Bréck mat enger schwéierer Maschinn deplacéiert.

Dëse leschten Deel gouf elo am Laf vum Sonndegmoien kuerz a kleng geschloen. Dëst ass mat enger riseg grousser Pëtz geschitt, déi un engem Bagger festgemaach war. Als "ewechpëtzen" gëtt dëse Virgang bezeechent. Dës Aarbechten hu ronn aacht Stonne gedauert.

Geplangt ass dann en éischte klengen Deel vun der neier Bréck an der Nuecht vun e Sonndeg op e Méindeg op seng nei Plaz ze bréngen.

Les photos diffusées sur ce site sont soumises à des droits d’auteurs et ne peuvent être copiées, modifiées, vendues, sans l’autorisation préalable du propriétaire du site en question.