Fir ee Bensinner oder Diesel-Won kascht et zënter dem 1. Februar 2019 52 Euro. Fir Elektrogefierer sinn et 46 Euro. Fir historesch Ween sinn et der 69 a fir Motorrieder a Quaden 39 Euro.
Dat hat fir ganz vill Reaktioune gesuergt, en Dënschdeg, 5. Februar huet d’Direktioun vun der technescher Kontroll reagéiert an e Communiqué erausginn. Et misst ee konform zu europäesche Gesetzer sinn an als “Société commerciale” misst ee seng Fraisen decken. Dofir wier ee forcéiert, d’Tariffer eropzesetzen. Bannent 20 Joer wier et och elo eréischt fir d’sechst, datt een d’Präisser eropgesat hätt an déi viregt Haussë wiere manner bedeitende gewiescht.
Derbäi kéim, dass d’Intervallen an deenen d’Ween duerch d’technesch Kontroll mussen, verlängert goufen an d’Käschte geklomm sinn.
D’SNCT präziséiert och, datt een an d’Qualitéit investéiert hätt an a vum 18. Februar u funktionéiert eng nei Informatik fir professionell Clienten a vum 4. Mäerz u fir privat Clienten. Dobäi geet et ënnert anerem ëm d’Aart a Weis, fir Rendez-vousen unzefroen.
