Vum Transportministère heescht et op Nofro hin, dass aktuell un de Streckeradare geschafft gëtt. Déi offiziell Testphas hätt nach net ugefaangen.
D’Streckeradare gi souwisou eréischt am Fréijoer 2023 richteg a Betrib geholl. Vun deem Moment u ginn et dann och Protokoller. E geneeën Datum steet awer nach net fest. Dat hat den Transportministère am September dëst Joer matgedeelt.
