GenèveÉischt UN-Gespréicher iwwer autonom Waffe ginn ouni Accord op en Enn

RTL mat AFP
Et wäert weider Gespréicher ginn, op méi konnte sech d'Staate bei hire Verhandlungen iwwer autonom Waffen net eenegen.
Zu Genève gouf et éischt Gespréicher iwwer eng méiglech Reguléierung vun autonome Waffen.
Zu Genève gouf et éischt Gespréicher iwwer eng méiglech Reguléierung vun autonome Waffen.
© FABRICE COFFRINI/AFP

Éischt Gespréicher iwwer eng Reguléierung vu gréisstendeels autonome Waffe si bei de Vereenten Natiounen zu Genève ouni een Accord op en Enn gaangen. Gëeenegt huet ee sech just drop, datt d'Gespréicher bannent den nächsten zwee Joer nees sollen opgeholl ginn, fir Reegele festzesetzen, déi d'Benotze vu selbststännege Waffesystemer reguléieren. Vollautonom Waffen, déi och Killerroboter genannt ginn, kënne beispillsweis Ziler selbststänneg erkennen an ugräifen.

Mënscherechtsorganisatiounen hate sech méi vun de Gespréicher erhofft, eng 100 Länner waren och dofir, datt méi streng Regulatioune sollten agefouert ginn. Staate mat grousse Rëschtungsindustrië wéi d'USA, Russland an Israel waren allerdéngs dogéint.

Back to Top
CIM LOGO