Kuerz virun enger historescher Hiriichtung am US-Bundesstaat Tennessee huet en Appellsgeriicht d'Ausféiere vum Urteel gestoppt. D'Christa Pike, déi zum Doud verurteelt gouf, hätt Zweiwel un der Rechtméissegkeet vum viregte Prozess geäussert, déi elo inhaltlech gepréift misste ginn, huet d'Geriicht decidéiert. Zentrale Punkt dobäi ass déi geriichtlech Wierdegung vun den Traumata, déi d'Pike als Kand erlieft hätt.
D'Pike hätt am Nomëtteg eiser Zäit sollten higeriicht ginn - et wier déi éischt Hiriichtung vun enger Fra an Tennessee zanter iwwer 200 Joer gewiescht. Déi 50 Joer al Pike gouf 1996 fir de Mord un enger deemools 19 Joer ale Bekannter zum Doud verurteelt. D'Täterin war dee Moment 18 Joer al.
