De Justizministère stellt Honnertdausenden Dokumenter online zur Verfügung, déi op der offizieller Websäit vum Ministère kënne consultéiert ginn. D’Verëffentlechung soll méi Transparenz an d’Affär bréngen, déi zanter Jore fir Kontroversen a Spekulatioune suergt.
De Finanzeberoder Epstein, dee bis an héchst Kreesser vernetzt war, war 2019 dout a senger Zell am Prisong fonnt ginn. Dem Milliardär gouf reprochéiert, sëllege Meedercher a Frae mëssbraucht an u Prominenter weidergereecht ze hunn. Dem Donald Trump säin Numm war an de bis ewell verëffentlechten Akten op ville Plazen opgedaut, e perséinlecht Feelverhale konnt him allerdéngs net nogewise ginn.
Méint laang hat den Trump sech géint d’Publikatioun gestallt. Hien hat d’Epstein-Affär e “Schwindel” vun den Demokrate genannt, déi vu sengem Succès oflenke soll. Den Trump huet enk Relatiounen zum Epstein dementéiert, op scho publizéierte Fotoen an Dokumenter ass awer de Géigendeel ze gesinn.
Weider Artikelen zum Thema:
