Dass dat fréiert Post-Gebai um Hamilius an der Stad effektiv op d’mannst zum Deel an en Hotel ëmgewandelt gëtt, schéngt ëmmer méi probabel.

Eng Etüd wier den Ament um Lafen, och fir d’Gebai, dat als nationaalt Monument klasséiert ass, natierlech esou ze erhalen, äntwert de Wirtschaftsminister Etienne Schneider op eng parlamentaresch Fro vum Déi Lénk-Deputéierten David Wagner.

Am Raum stoung bis ewell och e Notze vum Gebai als Mix tëscht Butteker, Büroen a Wunnengen.