Ronn 80 Prozent vun de Wunnenge sinn Appartementer, déi aner ginn dann Eefamilljenhaiser. Vun den 162 Wunnenge sollen der 117 verlount ginn, 32 gi subventionéiert verkaf, 13 net subventionéiert.
Speziell um neie Wunnquartier, dee bis 2030 soll fäerdeg sinn, ass, dass pro Wunneng keng zwou, mä nëmmen eng Parkplaz virgesinn ass.
E Freideg krut deen neie Wunnprojet zu Mamer am Regierungsrot d’Notioun vun “intéret général” zougesprach. De Staat bedeelegt sech mat 83 Milliounen um neie Quartier.
