Den Uruff kënnt vu méi "+352"-Nummeren, vu verschiddensten Operateuren, op där awer Englesch geschwat gëtt.

D'Stëmm, déi e bësse ewéi e Roboter kléngt, behaapt, datt et verdächteg Aktivitéiten um Compte vun der Bank gëtt. Hei gëllt et opzepassen an esou Leit keng wichteg Informatioune matzedeelen. Am Zweiwelsfall ass et dann ëmmer nach am Beschten, selwer Kontakt mat der eegener Bank opzehuelen.

RTL

Dëst sinn zwou vu villen Nummeren, vun deenen ugeruff gouf. Eis goufen nach weiderer, dorënner och 691-Nummeren, matgedeelt.

Vun der Police heescht et, datt een direkt anhänke soll, wann een déi roboterhaft Stëmm héiert. Och soll een op kee Fall privat Donnéeën erausginn an dono d'Nummer blockéieren oder beim Provider nofroen, fir d'Nummer ze blockéieren.