18 Poliziste sinn aktuell op Basis vum Disziplinargesetz suspendéiert. 35 sinn an engem onbezuelte Congé aus perséinlechen oder beruffleche Grënn.

Dat äntwert de Policeminister Henri Kox op eng parlamentaresch Fro vun den CSV-Deputéierte Léon Gloden a Laurent Mosar.

Da si 24 Polizisten aktuell an engem Krankeschäin vu méi wéi 6 Wochen. Op enger Pressekonferenz um Donneschdeg huet d'Police d'Zuelen zum aktuellen Effektiv ginn. Op den 1. Juli 2023 hunn 2.467 Polizisten a 674 zivil Mataarbechter bei der Police geschafft.