D’Pensiounsreform kann nom Vott en Donneschdeg wéi geplangt op den 1. Januar a Kraaft trieden. Domadder kann d’CSV-Ministesch Martine Deprez een delikat Kapitel vum Koalitiounsaccord ofhaken. Op mannst virleefeg. Déi decidéiert Changementer sécheren de Pensiounssystem véier weider Joren of. De Wee dohinner war schwiereg an d’Majoritéit huet sech vill Kritik misse gefale loossen.
War et dat alles wäert? Ass um Terrain alles prett fir dat anert Joer? A wéi geet et lo weider? Dat schwätze mer um 8 Auer mat der CSV-Ressortministesch Martine Deprez. Si ass no enger Marathonsëtzung an der Chamber eis “Invitée vun der Redaktioun”.
Rendez-vous fir den Interview mam Invité vun der Redaktioun all Dag vu méindes bis freides um 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op RTL Play ass d’Emissioun dono och am Replay ze fannen.
