No der Demissioun vum Buergermeeschter Laurent Hilger de 16. Dezember proposéiert déi majoritär “Biergerlëscht mat iech” RTL-Informatiounen no dem Conseil d‘Mireille Welter als nei Buergermeeschtesch. Si war bis ewell zweet Schäffin a war bei de Walen 2023 déi fënneft Gewielten op der genannter Lëscht. D’Gemeng Esch-Sauer huet dës Informatiounen och am Laf vum Donneschdegmoien an engem Schreiwes confirméiert.
Weider gëtt virgeschloen, datt d‘Jenny Schank um Poste vun der éischter Schäffin bleift an datt de Conseiller Jeannot Sanavia als zweete Schäffen noréckelt.
