D’Petitioun 2301 war den 3. Abrëll agereecht ginn, deen Dag also wéi annoncéiert ginn ass, datt d’Ettelbrécker Maternité géing fir eng Zäit zougoen, a fuerdert eng Maternité an eng Nout-Pediatrie am Norde vum Land. D’Maternité zu Ettelbréck ass mëttlerweil nees op. An där anerer Petitioun Nummer 2332 gëtt gefuerdert, datt de Congé parental vun aktuell 6 op 9 Méint verlängert gëtt.
Eng Petitioun muss an der Chamber debattéiert ginn, wa se méi wéi 4.500 Ënnerschrëfte gesammelt huet. Nom Ofschloss vum Delai gëtt nach d’Gültegkeet vun de Signaturen iwwerpréift.
