Fir d'Silvesternuecht gouf d'Ekipp an der Zentral vum 112 verstäerkt: 6 Leit waren am Asaz. Dëst ass eng Virsiichtsmoossnam. Aus Erfarung wéisst een, datt tëscht de Jore méi Noutriff erakéimen, wei soss d'Joer iwwer. Och an den eenzelne Kasären war d'Personal gutt opgestallt. Sou waren am gréissten Zenter, op der Areler Strooss, 25 Beruffspompjeeën a fräiwëlleger fir d'Silvesternuecht am Stand-By.

© Christophe Hochard

The photos published on this site are subject to copyright and may not be copied, modified, or sold without the prior permission of the owner of the site in question.

Och verschidden Apdikten uechtert d'Land haten um leschten Owend Service de Garde, dat wärend 24 Stonnen. Fir dëse Joreswiessel hat den CHL Urgencen-Déngscht. 3 Dokteren hate bis um Neijoerschmoie genuch ze dinn. 15 Extrabetter waren installéiert ginn. Speziell fir Leit, déi beim Feieren een ze vill iwwer den Duuscht gedronk haten. Dat waren dëst Joer virun allem eeler Persounen.

The photos published on this site are subject to copyright and may not be copied, modified, or sold without the prior permission of the owner of the site in question.

Natierlech gouf zu Lëtzebuerg och gefeiert

Kuerz no Hallefnuecht huet d'Party esou richteg ugefaangen. Mat Frënn a Kolleege gouf op dat neit Joer geprost a ganz niewebäi och dat neit Joerzéngt begréisst.