Um CR132 tëscht Nidderaanwen a Mënsbech koum et kuerz virun 9 Auer e Méindeg zu enger Kollisioun tëscht enger Camionnette an engem Auto – zwou Persoune goufen dobäi blesséiert. D’Sekuriste vun direkt e puer Asazzenter waren op der Plaz, dorënner och de SAMU.
Och schonn um kuerz virun 8 Auer war et zu engem Accident komm, dat um CR115 tëscht dem Rouscht a Kruuchten, wou eng Persoun ugestouss a blesséiert gouf. Op der Plaz waren d’Sekuriste vu Miersch a vu Biissen.
