En Autosbesëtzer a Rheinland-Pfalz huet e jonken Déif per Telecommande a sengem Auto agespaart. Der lokaler Police no war de 16 Joer alen Täter en Dënschdeg den Owend an den Auto komm an hat dësen duerchsicht. Nodeems de Besëtzer doriwwer informéiert gi war, hat hie kuerzerhand via Fernsteierung d'Diere vu sengem Won gespaart.
Dem Jonken, deen ze vill gedronk hat, war näischt aneres iwwreg bliwwen, wéi op d'Police ze waarden, déi hie befreit huet. Duerno goung et fir eng Kontroll an d'Spidol. Wéi hien an den Auto komm war, ass onkloer. Mat dat Schlëmmst fir de Besëtzer vum Won ass awer wuel, dass de Klengkriminelle sech puermol dran iwwerginn huet...
