Ronn zwou Wochen virum Optakt vun enger Rei Concerten a Frankräich ass d’Céline Dion zu Paräis ukomm. Vu Las Vegas war si am Privatjet an déi franséisch Haaptstad geflu ginn an huet sech e Freideg am fréien Nomëtteg no bei Champs Elysées an engem Luxushotel néiergelooss.
Dobäi huet si sech Zäit geholl, fir de sëllege Fans Merci ze soen fir déi frëndlech Begréissung.
No sechs Joer Absence vun der Bün, bedéngt duerch gesondheetlech Problemer, wäert déi weltbekannt Sängerin zu Nanterre 16 Concerte ginn. Optakt an der Plenitude Arena, an där méi wéi 30.000 Fans Plaz fannen, wäert den 12. September sinn.
Fir d’nächst Joer si schonn 10 weider Optrëtter geplangt, déi och a Rekordzäit ausverkaaft waren.
