RTL-Afterwork: mam Michèle Turpel

D'Michèle Turpel steet gären op de Brieder déi d'Welt bedeiten, an dat zanter Kand un. Meeschtens am Grupp, zB 40 Joer bei den Ettelbrécker Theater Frënn, dem 'Kannertheater Jaddermunnes', dem 'Cabaret Sténkdéier' an dem Fräiliichttheater 'De Schankemännchen'. Momentan genéisst se awer hir Solo-Optrëtter mat 'Mämmories' zu Iechternach a Groussbus, als Diva. Am 'Café des artistes' am Gronn sinn den Dan Spogen, Raoul Roos, Mike Fandel a Shari Schenten munches gewuer ginn, och iwwert d'Gesondheet. Piano: Marc Schmidt