De Johny Goudenbour ass e Lëtzebuerger Tennis-Ass. Am 'Café des artistes' am Gronn zielt hien dem Dan Spogen, Raoul Roos, Mike Fandel a Shari Schenten wéi hien den éischten Lëtzebuerger Tennis-Profi ginn ass, firwat seng Zäit op der Bank sou kuerz war a firwat säin éischten Auto just 4 Deeg gehalen huet. Donieft verréit hien dass hien 35 Joer mat der selwechter Rackett gespillt huet, firwat hien zu Bayern München hält a wéi dat ass op Silvester gebuer ze sinn. Piano: Marc Schmidt

De ganze Podcast gëtt et ëmmer samschdes op RTL PLAY an op ville Podcast-Plattformen

RTL

Déi nächst Woch géint 17h15 ass et um Europadeputéierten Charles Goerens. Hien huet schonn mat 5 Joer mat sengem Papp iwwer Politik diskutéiert an hat als Bauer mat vill Rëndvéi ze dinn. De Stëmmegarant aus dem Norden verréit, firwat hien heemlech frou ass ni Landwirtschaftsminister ginn ze sinn, proposéiert d'Zölibat fir Politiker, beschreift seng Problemer mat de Radaren am Ausland an liwwert d'Hannergrënn vu senger Laachkris an der Chamber.