© Raphaël Betti / BAC
De Raphaël Betti huet mam BAC seng eege Cocktailbar am Pafendall. Pünktlech fir déi kal Joreszäit verréit de Bartender eis seng beschte Wantercocktails, déi dir ganz einfach doheem nomaache kënnt! Haut: Flip.
De Flip ass schwéier, crèmeg a quasi wéi e flëssegen Dessert - e richtege Wanterdrink also. Als besonneschen Twist benotzt de Raphaël ee Mescal, fir eng bësse méi gereechert Nott mat eranzebréngen. Säin Orgeat mécht hie selwer aus Käschten.
Flip
3 cl Tequila Reposado
3 cl Mescal
4 cl Käschten-Orgeat
1 ganzt Ee
2 cl Ram
1 cl Zockersirop (jee no Goût)
Alleguer d'Ingredienten an e Shaker maachen. Fir d'éischt ouni, duerno mat Äis shaken.
An engem Cocktailglas ouni Äis zerwéieren. Mat geriwwener Muskatnoss garnéieren.
Fir de Käschten-Orgeat
400 gr Käschten aus der Béchs
400 ml Waasser
1 Pouz Kanéil
1 Pouz Salz
40 gr brongen Zocker
Alleguer d'Ingredienten mat engem Stabmixer vermëschen an dann duerch eng fein Passett filteren.
© Raphaël Betti / BAC
