© Patrick Greis
Mandy Minella, Andy a Frank Schleck, Bob Jungels, Dylan Pereira, Lucien Czuga, Tom Habscheid, dat sinn alles Nimm déi sech fir eist Land agesat hunn an eppes geleescht hunn. Bei all Numm kënnt engem direkt e Bild vun engem Exploit an de Kapp an d'Lynn Kunnert huet mat hirem Projet 'Drawnstars fir den Télévie' 7 Leit op hier Manéier veréiwegt. E Samschdeg war grousse Rendez-vous an der Belle Etoile wou d'Promien hiert Bild gesi konnten an ënnerschriwwen hunn.
D'Lynn Kunnert huet vill Stonnen gebraucht fir d'Promien ze kontaktéierten an ze molen. Hir Biller sinn elo an aner Hänn iwwergaangen, déi sech all gefreet hunn iwwer sou en exklusiven Kaddo, mat engem signéierten Tableau.
Déi gutt Nouvelle, och dat nächst Joer geet d'Aktioun 'Drawnstars fir den Télévie' virun. Mol kucken wéi eng bekannte Leit sech dann hierginn. De Montant wéi vill bei der Stee erakomm ass, gi mer de 26en Abrëll 2025 gewuer, dem groussen Ofschlossdag vum Télévie.
