An der leschter Stonn ware mir zu Osaka a Japan. Jo dir wësst do leeft nach bis Mëtt Oktober d'Weltausstellung. De Grand-Duché huet och do säi Pavillon mat villen Attraktiounen. An och kulinaresch Spezialitéiten ginn do zerwéiert. Gromperekichelcher, Kniddelen, Lëtzebuerger Grillwurscht mat Moschter, awer och originell Desserten si gefrot, a natierlech Béier, Wäin a Crémant. Jee Häerz wat begiers du?
Dausende Visiteuren, an di offiziell Lëtzebuerger Delegatiounen mam Monseigneur le Grand-Duc, hu sech de Pavillon luxembourgeois op der Weltausstellung zu Osaka schonn ugekuckt. Vill Luef gëtt et fir eis Gastro-Team op der Plaz. Un éischter Stell di 10 Elèven aus dem EHTL an awer natierlech och den Enseignanten.
D'Geheimnis vun der Lëtzebuerger Grillwurscht a Japan ass e Metzler vun Dresden dee fir Däitschland zu Osaka ass. Deen huet d'Rezept vun der beléifter Grillwurscht wonnerbar hikritt, an elo ass dat dee Renner?
An di 120 Grillwurschten hate mir a knaps enger Stonn verkaf. An du mir gesot dat do musse mir elo maachen, Grillwurscht dat ass eng Geschicht vu Lëtzebuerg, an elo ass e gerousse Succès. Mir sinn dacks op der Telé domat, um Radio, mir hu Leit déi scho moiies um 1/2 10 an der Rei do stinn fir direkt emol eng Grillqwurscht mat engem Béierchen zou sech ze huelen. dat heescht e klengt Stéck Létzebuerg mat ganz vill Succès a Japan.
Mee di kulinaresch Kreatiounen gi wäit iwwer d'Wurscht eraus. Wéi grouss ass di Kichen am Pavillon iwwerhaapt?
Wéi grouss ass eis Kichen? Wa mir zu 4 Erwuessener do schaffen, dann hätte mir scho Problemer fir lanschteneen ze kommen. Mir hunn zwou Induktiounsnplaken dra stoen an zwee Schäffecher. 4 Leit stinn do niefteneen ze schaffen, a mir schécken all Dag eng 350-400 Grillwurschten do eraus, 60-100kg Gromperkichelcher, eng 120 Desserten, an eis Burgeren a Feietrstngszalot amt Brioche, déi limitéiere mir op 60-80 Stéck den Dag. An da kënnt natirlech d'Gedrënks nach dobäi.
Vill Studenten wären a Fro komm fir mat an Asien, mee et huet missten e Choix gemaach ginn. An déi di do sinn, erliewe vill, a gesi méi wéi just d'Weltausstellung?
Wat wichteg ass, déi hunn 2 Deeg fräi an der Woch a maachen och net méi wéi 8 Stonnen den Dag. A si entdecke Japan. Dat ass jo och wéi mir soen de Präiss fir 2 Deeg Japan ze entdecken ass 5 Deeg schaffen. A mir hunn der schonn déi si bis op Kyoto gaangen, déi ganz Ecken hei ronderëm hu si scho besicht. Si klammen an den Zuch a fuere lass. Di Schüler sinn am gaang eng Kultur mat ze huelen, a wéi mir hiren Eltere scho gesot hunn, dir gitt eis Kanner mat a mir bréngen iech Erwuessener zeréck.
Bis Mëtt Oktober hutt dir nach d'Geleeënheet zu Osaka a Japan dobäi ze sinn, an dann och am Lëtzebuerger Pavillon bei der Ekipp vun der EHTL ze passéieren.
E puer Fotoe vun der Plaz déi gesi mir op www.radio.rtl.lu
