Tester zu Barcelona: Beschtzäit fir de Lewis Hamilton

Net nëmmen d'Pilote musse léieren, wéi se mat den Autoen an den neie Pneuen ëmgoe mussen, och d'Ingenieure mussen déi nei Aerodynamik eréischt verstoen. A montéieren dofir riseg Raquette mat Loftsensoren op d'Autoen.Mä ee grousse Problem vun den neien Autoen ass esou flagrant, dass ee keng Prezisiounsinstrumenter brauch fir se ze detektéieren. Bei héije Vitesse fänken d'Autoen u mat hopsen. Dat ass eng Konsequenz vum sougenannte Ground Effect. Mënsch a Material ginn extrem duerchgerëselt. D'Ingenieure si gefuerdert, dat an de Grëff ze kréien.Vill Aarbecht gëtt et och nach bei Alpine a virun allem bei AlfaRomeo. Déi hu wéinst diversen technesche Problemer wäertvoll Testzäit verluer.An Haas bleift d'Suergekand Nummer 1. Lues an onzouverlässeg. An du koumen och nach déi weltpolitesch Turbulenzen dobäi. E Freideg ass déi amerikanesch Ecurie ouni d'Autocollante vum russesche Sponsor gefuer. An teamintern gëtt esouguer d'Zukunft vum russesche Pilot Nikita Mazepin a Fro gestallt.An enger Krisesëtzung hunn d'FIA an d'Ekippen donieft decidéiert, dass de Russland-GP ënnert den aktuelle Konditiounen net gefuer ka ginn. Komplett ofgesot ass d'Course am September nach net, si gouf nëmme fir de Moment aus dem Kalenner geholl.