Mercedes hofft nom grousse Changement vun de Reegelen op eng besser Zäit. En Donneschdeg de Moien huet Mercedes als drëtt Ecurie dës Woch hire Formel-1-Rennwon fir d’Saison 2026 virgestallt. Vu dass déi grouss Presentatioun réischt an zwou Woche stattfënnt, goufe just e puer offiziell Biller vum neie W17 verëffentlecht.
D’Lackéierung ass mat enger sëlwereger Nues, e puer turquoisen Téin an engem fir de Recht gréisstendeels schwaarzen Auto staark un där vum W16 vun zejoert orientéiert. D’Ecurie schwätzt vun enger “opfälleger” Lackéierung, déi e kéngt Statement fir Identitéit an Evolutioun setzt”.
Den Toto Wolff, Team-Chef an CEO vun der Ecurie, betount: “Déi nei Reegele verlaangen Innovatioun a volle Fokus op all d’Beräicher. Eisen neien Auto steet fir déi kollektiv Zesummenaarbecht vun eisen Ekippen zu Brixworth a Brackley. An den nächste Méint geet déi haart Aarbecht weider.”
